Eric Jones DLitt (Honorary), MPhil, BMus, FTCL, LTCL
Llywydd
Wedi'i eni a'i fagu ym Mhontarddulais, addysgwyd Eric Jones yn Ysgol Ramadeg y Bechgyn Tregŵyr, cyn ennill gradd mewn Cerddoriaeth o Brifysgol Cymru, Caerdydd. Dechreuodd ei yrfa addysgu yn Llanelli, ac wedi hynny daeth yn Bennaeth Cerddoriaeth a'r Celfyddydau Creadigol yn Ysgol Mynyddbach yn Abertawe. Ar ôl cyfnod fel Dirprwy Bennaeth Ysgol Gyfun Gŵyr, daeth yn Bennaeth Ysgol Bro Myrddin, yr ysgol gyfun cyfrwng Cymraeg yng Nghaerfyrddin, gan ymddeol yn 2006. Mae ganddo Ddiploma Trwyddedog a Diploma Cymrodoriaeth o Goleg Cerdd y Drindod, Llundain, a gradd Meistr o'r Brifysgol Agored. Mae'n beirniadu yn yr Eisteddfod Genedlaethol ac mewn cystadlaethau lleisiol a chyfansoddi yn rheolaidd, ac fe'i derbyniwyd fel Urdd Ofydd Er Anrhydedd Gorsedd y Beirdd ym 1996 am ei wasanaethau i gerddoriaeth yng Nghymru.
Yn 2010 fe'i hanrhydeddwyd ymhellach fel Urdd Derwydd am wasanaeth hir a nodedig i'r Eisteddfod ac i'r Orsedd. Fel cyfansoddwr, mae wedi cyhoeddi chwe chyfrol o ganeuon a nifer mawr o weithiau corawl. Yn 2007, cyhoeddodd Gwasg Gomer Maestro, ei gofiant o arweinydd sylfaenol y côr, Noel Davies. Fel rhan o ddathliadau'r hannercanmlwyddiant yn 2010, ysgrifennodd lyfr o hanes y côr, sef Brothers Sing On, a gyhoeddwyd gan Y Lolfa. Daeth yn Llywydd Côr Meibion Pontarddulais yn 2004, wedi bod yn gyfeilydd y côr am ddeunaw mlynedd rhwng 1973 a 1991
Yn frodor o Murton ar Benrhyn Gŵyr, ganwyd Clive John Phillips ym 1959 ac fe'i haddysgwyd yn Ysgol Gynradd Llandeilo Ferwallt ac Ysgol Gyfun Tregŵyr. Derbyniodd hyfforddiant cerddoriaeth gan yr Athro John Edmunds LRAM, Brenda Llewellyn LRAM ARCM (piano) a John Morgan Davies LWCMD FTCL LRAM ARCM (organ).
Penodwyd Clive fel cyfeilydd am y tro cyntaf i gôr lleol pan oedd yn 12 oed, ac ym 1977 daeth yn gyfeilydd a dirprwy arweinydd Côr Meibion Llanelli, rôl y bu ynddi tan y daeth yn Gyfarwyddwr Cerdd Côr Meibion Aberafan ym mis Chwefror 1983.
Yn dilyn cyfnod byr fel Cyfarwyddwr Cerdd Cynorthwyol Côr Meibion Dyfnant, penodwyd Clive yn Gyfarwyddwr Cerdd Côr Meibion Porth Tywyn, lle y bu tan y gwahoddodd Noel Davies MBE JP iddo ddod yn gyfeilydd Côr Meibion Pontarddulais, rôl y bu ynddi o 1991 tan 2002, pan benodwyd ef yn Gyfarwyddwr Cerdd.
Am nifer o flynyddoedd, ef oedd cyfarwyddwr cerdd Black Mountain Chorus of Wales, ac ef oedd cyfarwyddwr cerdd sylfaenol Llanelli Musical Players.
Mae Clive wedi arwain cyngherddau mewn nifer o leoliadau ledled y Deyrnas Unedig, gan gynnwys Neuadd Frenhinol Albert yn Llundain, Neuadd y Dref Chelmsford, Neuadd y Dref Rhydychen, Eglwys Gadeiriol Lincoln ac Eglwys Gadeiriol Caerwynt. Mae wedi arwain corau meibion cyfunedig hefyd yng Nghyngerdd Goffa Richard Burton ac yn seremoni agoriadol Eisteddfod Genedlaethol Abertawe 2006.
Mae wedi cael y fraint hefyd o arwain nifer o fandiau milwrol enwog mewn cyngherddau, gan gynnwys y Llynges Frenhinol, Gwarchodlu'r Alban, Gwarchodlu Coldstream a'r Gwarchodlu Cymreig.
Fel organydd mae wedi gwneud mwy na 30 o recordiadau gyda nifer o wahanol gorau, ac mae wedi chwarae mewn nifer o leoliadau, gan gynnwys Neuadd Frenhinol Albert, Neuadd Frenhinol yr Ŵyl, Neuadd Ganolog Westminster, Eglwys Gadeiriol Cofentri, Neuadd y Dref Birmingham, Neuadd Dewi Sant yng Nghaerdydd a Neuadd Brangwyn yn Abertawe. Mae wedi perfformio datganiadau organ mewn amrywiaeth o eglwysi yn ardaloedd Abertawe a Llanelli. Clive oedd yr organydd yng Nghymanfa Ganu Genedlaethol Gogledd America ym 1980, pan y'i cynhaliwyd yn Vancouver.
Fel cyfeilydd mae wedi cyfeilio i nifer o gantorion byd-enwog, gan gynnwys Delme Bryn Jones, Bryn Terfel, Rebecca Evans, ac yn fwy diweddar, Syr Willard White, Jason Howard, Alfie Boe ac Elin Manahan Thomas. Mae hefyd wedi cyfeilio i'r seryddwr nodedig, Patrick Moore, a oedd yn perfformio ei gerddoriaeth seiloffon ei hun mewn cyngerdd yn Neuadd Frenhinol Albert.
Clive yw organydd Capel Tabernacl y Mwmbwls ar hyn o bryd.
Ar 13 Mai 2017 derbyniodd Clive wobr haeddiannol gan Gymdeithas Tregŵyr am wasanaeth neilltuol i'r gymuned, yn bennaf am ei waith gyda chorau ac ym maes cerddoriaeth yn gyffredinol yn yr ardal.
Mae David wedi perfformio ledled y byd fel cyfarwyddwr cerdd a chyfeilydd, ac mae'n uchel ei barch fel trefnwr, gan gynnwys trefnu ar gyfer cerddorfa. Mae wedi perfformio yn Seland Newydd, Awstralia, UDA, De Affrica, Chile, Ynysoedd Malvinas, yr Ariannin, Cyprus, Ffrainc, yr Almaen, Gwlad Belg, Canada, Sbaen, Gibraltar, Jersey, Iwerddon, y Swistir, y Weriniaeth Tsiec, Slofacia, Awstria, Gwlad Pwyl, Hong Kong ac ar fordaith o gwmpas rhanbarth y Baltig, gan gynnwys perfformiadau yn Nhŷ Opera Sydney a Neuadd Carnegie yn Efrog Newydd.
Ymunodd David â Chôr Meibion Pontarddulais fel prif gyfeilydd yn 2012, wedi cyfeilio i'r côr o'r blaen rhwng 2001 a 2007. Mae wedi cyfeilio i'r côr mewn buddugoliaethau yn Eisteddfod Ryngwladol Llangollen a thair gwaith yn yr Eisteddfod Genedlaethol Frenhinol. Ef oedd cyfeilydd Côr Meibion Llewod Prydain ac Iwerddon, gan gyfeilio ar y piano a'r organ yn Nhŷ Opera Sydney (2005) ac yn Neuadd y Dref Sydney (2013), yn ogystal ag amrywiaeth o leoliadau ledled y Deyrnas Unedig, Seland Newydd, De Affrica ac Awstralia. Yn 2008 cyfeiliodd i gôr meibion cyfunedig a Bryn Terfel ar y piano a'r organ yn Neuadd Carnegie, Efrog Newydd. Mae wedi cyfeilio hefyd i gorau meibion Orffews Treforys, Cymry Llundain a Wessex; i'r unawdwyr Katherine Jenkins, Beverley Humphreys, Shân Cothi, Sian Hopkins, Anthony Stuart Lloyd a Rebecca Evans; ac, ychydig cyn y Gamp Lawn yn 2005, i dîm rygbi Cymru. Mae wedi gweithio hefyd ochr yn ochr â Dr Haydn James gyda charfan Llewod Prydain ac Iwerddon 2017.
David oedd Cyfarwyddwr Cerdd Côr Meibion Cardiff Arms Park rhwng 2001 a 2016 a chyfarwyddwr cerdd Côr Meibion Dowlais rhwng 2007 a 2012. Mae wedi arwain digwyddiadau corau cyfunedig yn Neuadd Dewi Sant, Canolfan Mileniwm Cymru a Neuadd Symffoni Birmingham; wedi bod yn gyfrifol am dri chant o gerddorion o wyth gwlad wahanol ar gyfer chwe pherfformiad o flaen cynulleidfaoedd o hyd at 20,000 yn Festival Interceltique Lorient; ac wedi arwain yn fyw ar BBC Grandstand, yn Stadiwm y Mileniwm ac ar y Champs Élysées. Mae wedi arwain Hayley Westenra, Peter Karrie, Max Boyce, Band Cory a Sinfonia Cymru, ond yn anffodus, nid ar yr un pryd.
David yw Arweinydd Cwrs y Celfyddydau Perfformio ym Mhrifysgol Swydd Gaerloyw ac mae'n darlithio mewn llais a theatr gerdd, yn ogystal â bod yn gyfarwyddwr cerdd eu perfformiadau. Mae wedi cyfansoddi nifer o sioeau cerdd cyfan ar ben ei drefniannau a threfniannau cerddorfaol niferus.
noddwyr y côr
Mae'r côr yn ddiolchgar i'w holl noddwyr am eu cefnogaeth barhaus.
Os hoffech fod yn noddwr, adnewyddu eich nawdd neu am ragor o wybodaeth, cysylltwch â'r Ysgrifennydd.
Shan Cothi Wyn Davies Ieuan Evans MBE Gareth Glyn Alun Guy Edwina Hart MBE John Hartson Brian Hughes Owain Arwel Hughes Dr Haydn James D Byron Lewis Esq., KStJ, FCA Dennis O'Neill (Tenor) Garry Owen Eirian Owen Elin Manahan Thomas Y Canon John Walters Huw Tregelles Williams DL, OBE
Noddwyr
Phyllis Bell Mr & Mrs Howard & Maureen Berry Mark & Mari Bowen Mrs Beti Colman Bev & Brian Cousins J.P. Mr & Mrs Graham Davies Mr Leighton Davies Mr & Mrs Ian Davies Selwyn & Susan Davies Eifion Davies & Mrs Avril Davies Eifion & Bethan Davies Alun Davies Mr Patricia Davies Bryan J Davies Gwyn & Nest Davies Mrs. Jennifer Davies John Davies MBE, J.P. Mr & Mrs Paul Deans Mr &Mrs. D.Edwards Dr & Mrs T I Evans Mr D.Gareth Evans MBE & Mrs G Evans Tony Gill Anne & Sian Gimblett Lawrence Griffiths David & Elisabeth Gwynn Bethan Mair Hughes Stephen James Mrs Gillian A James Mr & Mrs PA John Mrs S M John Glyndwr & Sylvia Johnson Marian Jones Mr Alan Jones MBE and Mrs Megan Jones Mr Trevor Jones & Ms Valerie Jenkins Gareth ac Eileen Jones John & Mair Jones Keith & Anne Jones Mr Les Jones & Ms. Kay Davies Mr & Mrs. Gwyndaf Jones Mr. Robert A. Kent Audrey & Alan Lewin Richard Lewis Lyn & Mari Lewis James McCarry Richard & Sue McCauley Mr & Mrs Denzil Morgan Mrs Carol Morgan Mrs Pam Morgan Rosane Morgan Maureen & Robert Morris Pat & Allan Morton Clive & Mair Norling Garry & Lee Owen Mr & Mrs N Palmer Tom & Carol Parke Michael & Pat Ponton Jeff & Liz Prangle Gwynne & Jackie Price Alun & Ann Price Mr & Mrs D & L Richards Judith Roberts Mrs J Roberts Keith & Christine Stephens Roger & Lynn Thomas Huw Thomas Mrs Diane Thomas Mr & Mrs Hywel & Rosemary Walters JP Mr & Mrs K Wheeler Rev'd Terry Williams Mr & Mrs Jeff Young
Aelodau Am Oes
Lyn Anthony David Daniel Gwyn Davies Roy Davies Tudor Davies Cecil Davies John G.P. Davies MBE, J.P. Alun Davies Mr D.Gareth Evans MBE Eric Jones Roger kenyon David Last Ifor Miles Hywel Morgan Clive J Phillips Huw Philpot Winston Price John Walters Dilwyn Williams Jeffrey Young
cyngerdd nesaf / ymrwymiadau y côr
Llandaff Cathedral cardiff Festival
Thursday 6th July 2023
"
What a night, not enough superlatives to describe the fantastic evening we had last Saturday. Ros what a personality and what a repertoire, stunning.
Thank you all so much and Clive you did us proud.
- MYRA THOMAS
Your choir left me speechless. Wonderful singing. Well done all of you!
- GEORGE LYNCH
Thank you gentlemen for a fantastic concert this evening at Ebennezer Chapel Port Talbot it was wonderful performance from the choir. Thank you!
- KEITH SMITH
Meddwl am ymuno a chôr? Peidiwch a sefyll rhagor...