teithiau'r côr

Mae'r côr wedi teithio'n helaeth er mwyn rhannu ei gariad at gerddoriaeth ac adlonni cynulleidfaoedd. Tra bod nifer o gyngherddau wedi'u cynnal yn lleol, mae'r côr wedi perfformio cyn belled i ffwrdd â Truro yn y de a Perth yn y gogledd ac er mwyn cynnal cydbwysedd, mae Neuadd y Dref Birmingham wedi gweld y côr yn perfformio ar sawl achlysur. Ar bum achlysur mae'r côr wedi rhoi cyngherddau ei hunan yn Neuadd Frenhinol Albert, Llundain, sy'n un o uchafbwyntiau'r côr o ran perfformio yn y DU.

Teledu, Radio a Ffilm

Mae rhan fwyaf o waith y côr ar dreuliau yn unig ar gyfer elusennau, er mai nifer o berfformiadau ar y teledu a'r radio wedi'u comisiynu gan gwmnïau teledu a radio lleol a chenedlaethol. Roedd Noel Davies wastad yn mwynhau her newydd fel y dengys gan gyfranogiad y côr wrth wneud y ffilm 'The Wall', a ysgrifennwyd a'i chyfarwyddwyd gan Pink Floyd. Arweiniodd hyn at Roger Waters', cyn-aelod o Pink Floyd, yn rhyddhau albwm a fideo ' Radio Kaos' yn cynnwys perfformiadau gan y côr.

^ brig

Y Teulu Brenhinol

Mae'r Côr wedi cael y fraint o berfformio yng nghwmni aelodau o'r Teulu Brenhinol ar sawl achlysur. Yn nathliadau degfed Pen-blwydd Arwisgiad Tywysog Cymru canodd y côr ym mhresenoldeb y Tywysog yng Nghastell Caernarfon.

Cyflawnwyd cyngherddau yn Neuadd Dewi Sant, Caerdydd a Neuadd Albert, Llundain ym mhresenoldeb Mam y Frenhines, Dug a Duges Caint a'r diweddar Diana, Tywysoges Cymru.

^ brig

Sain Tawelwch

Ym 1987 canodd y côr yn lansiad yr Awyren Awyrofod Prydeinig BAe, yn Hatfield, Lloegr, yr awyren tawelaf yn y byd.

Bydd y perfformiad o gân Simon a Garfunkel, 'Sound of Silence', a drefnwyd gan Eric Jones, cyn-gyfeilydd a llywydd presennol y côr, yn aros yng nghof y sawl a oedd yn bresennol am nifer o flynyddoedd.

^ brig

Dros y Môr

Nid yw perfformiadau wedi'u cyfyngu i'r DU yn unig. Hyd yn hyn mae'r côr wedi ymweld â Sbaen (2001), Sweden (1996), Canada (1973,77,96), Yr Almaen (1979,80), Portiwgal (1986), Gweriniaeth Iwerddon (1989, 2006) ac UDA (1993, 2007).

Ar y daith i Ganada ym 1996 perfformiodd y côr yn Calgary, Vernon, Victoria, Duncan a Vancouver.

^ brig

NATO 1998

Yng Ngorffennaf 1998 cynrychiolodd y côr Gymru yn seremoni agoriadol Cyngres Swyddogion Adfyddin NATO (Cyfundrefn Cytundeb Gogledd Iwerydd).

Roedd Swyddogion Uwch o'r 15 gwlad NATO yn bresennol ynghyd a gwylwyr o ddwyrain Ewrop, Awstralia a De Affrica.

Braint ydoedd i'r côr gael y gwahoddiad i gymryd rhan mewn seremoni sy'n dod i un o wledydd NATO bob 15 mlynedd.

^ brig

Pellter ddim yn Rhwystr

Nid yw pellter wedi rhwystro nod y côr o greu cerddoriaeth a diddanu ystod eang o gynulleidfaoedd. Gellir priodoli ei lwyddiant i'r repertoire helaeth y gall y Cyfarwyddwr Cerddorol ddewis ohono.

Cynhwysa'r repertoire gyfansoddiadau litwrgïaidd a seciwlar, cerddoriaeth draddodiadol Gymreig a Chymraeg, clasurol ac operatig, yn ogystal â chaneuon cyfoes.

Gwybodaeth arall o ddiddordeb:

• Hanes y Côr
• Hanes Lleol

^ brig